என் கவிதை

எனக்கான வார்த்தைகளைப் போட்டு
சமைத்துக் கொண்டிருக்கிறேன்
ஒரு கவி
விரைவில்
உங்களுக்கும் பரிமாறுவேன்
அது என் சுவை
பழகிய ருசி
தொன்று தொட்டு ஒரே சேர்மானம்
சமைக்கும் போது சுவைப்பதில்லை
அதில்
இரண்டு கல் உப்பு அதிகமிருக்கலாம்
நான்கு சிட்டிகை இனிப்பு
குறைத்துப் போட்டிருக்கலாம்
புளிப்போ கசப்போ
ஏதோவொன்று தூக்கலாய் இருக்கலாம்
உவகை மேவிய உவர்ப்புமிருக்கலாம்
அனுமானங்களெல்லாம்
’....லாம்’ களாய் முடிந்தாலும்
அதுயெனக்கு மனவலிக் கசாயம்
விரும்பினால் பருகுங்கள்
வேண்டாமெனில்
நாளையின் இரவுக்கென நான் அதை சேமிப்பேன்