இரு தெய்வங்கள் வரமருள்கின்றன

இடைக்கச்சையும் மார்புக்கச்சையும்
அவிழும் பேராபத்தில்
அதிரும் இசைக்கென ஆடிக்கொண்டிருக்கிறாள்
நர்த்தகி ஒருத்தி
வெளிச்சம் பாய்ச்சி வியாபாரமாக்கும்
உத்திகளிலிருக்கின்றன
பணம் தந்த மிருகங்கள்
இமைக்காமல் கண்கள் விரிய காத்துக்கொண்டிருக்கின்றன
பலகோடிக் கண்கள்
பதைபதைபுடன் செய்வதறியாது என்போல் சிலரும்....
குழுவிலிருக்கும் இன்னொருத்தனும் இன்னொருத்தியும்
திடுமென புகுத்திய நடன அசைவுகளில் ஆடை திருத்த அவகாசமளிக்கிறார்கள்
கைதட்டுங்கள்!
ஒரு மனுசிக்கு
இரு தெய்வங்கள் வரமருள்கின்றன