Monday, December 17, 2012

பிரமீடுக்குள் உறங்கும் பதில்கள்


கேள்விக்குறிகளாலொரு பிரமீடமைத்து 
உள்ளே பிரபஞ்சத்தின் பதில்களை 
உறங்கச் செய்திருக்கிறேன் 

ஐந்து 
நான்கு 
மூன்றென 
இறங்கு வரிசை 
இடுக்குப் புள்ளிகளில் 
ஒன்று உச்சத்திலிருக்கிறது 

மூலிகைச் சாற்றில் 
வளர்ந்தபடியிருக்கிறது 
பதில்களின் நகங்கள் 

பதப்படுத்தப்பட்ட 
மம்மிகளுக்குண்டான கரிசனத்தோடே 
முப்புறமும் சூழப்பட்டிருக்கிறது 
அப்பதில்கள் 

அதன் பக்கத்தில் புதைக்கப்பட்டிருக்கும் 
ஆபரணங்களுக்காக 
எவனேனுமொருவன் நாளை 
துயிலெழுப்பலாம் மரணித்தவற்றை... 

பூர்வ ஜென்ம ஞாபகத்தில் 
பேராசைச் சிதைவுகளில் 
முளைவிடும் விதைகளுக்கு 
உரமாகியிருக்குமந்த
கேள்விகளைத் தேடத்துவங்கலாம் 

மீண்டுமொரு துவக்கம் 
அழிவுகளிலிருந்து... 

3 comments:

கவியாழி கண்ணதாசன் said...

பிரமிடு பற்றிய உங்களின் அடுகோடுக்கான கேள்விகள் உண்மையே

கவியாழி கண்ணதாசன் said...

உண்மை எத்தனையோ ரகசியங்களை உள்ளடக்கியது ,அத்தனையும் பொக்கிஷங்கள்

rishividya peedam said...

மூட பழக்கங்களோ... என்று சந்தேகிக்கப்பட்ட
வேத ஆன்மீக உபதேசங்களுக்குப் பின்னால் அரிவியல் உன்மைகள் கொட்டிக்கிடக்கின்றன.
வரும் இளம் தலைமுறையும் அவைகளைஅரியவே விரும்புகிறது. அவைகளும் நல்வாழ்வினை நடத்தத் தேவையான திறமைகளை தருகின்றன..


இவை இளைஞர்களுக்கு கிடைக்க தாங்களும் உதவலாமே..

ரிஷிகளின் கல்வி

வேத பொருளுரை பாடத்திட்டம்

சுருக்கமாக வெரும் 48 மணி நேரத்தில்

ரிஷி வித்யா பீடம் 9789330703

88 25 13 14 16

வந்தது வந்தீங்க, வாழ்த்தோ வருத்தமோ சொல்லிட்டு போங்க!