Tuesday, July 9, 2013

முத்தச் சங்கமம்

செம்மஞ்சள் முகத்தில்
முன்நெற்றி ஆகாயம்
வட்டப்பொட்டு செந்நிலா
ஒற்றை மீன் மிதக்கும் குளமிரண்டு
குகை வழிப் பாதை
கூர்மேட்டு நாசி
பவளப் பிளவொன்றின்
மறைவில்
இருவரி பரல் வரிசை
கதுப்புகள் குழிய
திணறும் வியர்வை நதி
இன்னுமின்னும் ....
போதுமென்ற சைகை
முத்தச் சத்தம்
கவிச் சங்கம் அதன் பின்
முழங்கவேயில்லை

No comments:

வந்தது வந்தீங்க, வாழ்த்தோ வருத்தமோ சொல்லிட்டு போங்க!