நீ- நான் -அவர்

எத்தனை முறை
முயன்றாலும் முடியவில்லை
நானும் நீயும்
பழகிய நாட்களை
நினைவு படுத்தும்
வடுக்களின் ஸ்பரிசத்தை....

அது போலவே....

எத்தனை முயன்றும்
முடியவில்லை
என் தந்தையின்
வேண்டுகோளை
மறுத்துரைக்க...

நீ- நான் என்பது
சுகமே - ஆனாலும்
நான் அவருக்கு சுவாசம் 

தனித்துவம் அணிகலன் ஆணுக்கு
மறுக்கவில்லை நான் - ஆனால் நீ
எடுத்ததெற்கெல்லாம் முரணாய் ...
எல்லாவற்றிலும் சமூகத்தோடு
இணைகோடாய்
இணைய மறுக்கிறாய்!

தலைமுறை இடைவெளி
இடையில் நான்
இரு தலைக்கொல்லி எறும்பாய்.....


நீயா? அவரா?
மனம் கேட்கும்
கேள்விக்கு பதில்
தேடித் தேடி
விடிகிறது என் இரவுகள்
உறக்கமின்றி....