எவருக்குமானதல்ல

எவருக்குமானதல்ல
எனது பதில்கள்
எவரும் கேட்பதில்லை
என்னிடம் கேள்விகள்
எவருக்கும் புரிய வைக்க வேண்டியதில்லை
என் நட்பை இழத்ததற்காய் ஏங்கிச் சாவோர்
எண்ணிக்கையில் பூஜ்யம்
என்ன தான் காரணம்
எது தான் அழுத்திச் செல்கிறது
கட்டாயத்தில் மொழியப்படுவதல்ல
தன்னிலை விளக்கங்கள்
கடமையாய் சொல்லித் திரிவதில்
சுயத்தின் மீது படியப்போகும்
அழுக்குகள் கழுவப்படுமென்றா?
இப்படிப் பிதற்றித் திரியவதன் காரணம்
சொற்ப வார்த்தைகளில் சொல்லிவிடலாம்
நச்சரிக்கும் மனசாட்சி
நடுக்கும் தனிமை
நாதியில்லா நகர வாழ்க்கை
நீண்ட இரவுகளின்
நிமிடங்கள் கரைந்தும்
நித்திரைக்குப் போராடும்
நீலநயனங்கள்