கதம்பம்

அஹிம்சை தத்துவம்‍‍‍‍‍‍‍‍‍‍‍‍‍

உற்று நோக்கு!
உடன்படுவதில் உறுத்தலிருந்தால்
உடனே அகன்றுவிடு!!
கட்டளையிட்டார் மகாத்மா
அனைத்துக்கட்சி மாநாட்டில்!
கண நேரத்தில்
காலியானது சபை!

நம்பிக்கையில்லா தீர்மானம்

இந்தியனே!வராதே !
எங்க‌ள் எல்லைக்குள்!
ப‌குத்தலும் பாகுபாடும்
ஒட்டிக்கொள்ளும் எங்க‌ளுக்கும்!
-
இப்படிக்கு
பிரிவினையற்ற‌ இந்திய மிருகங்கள்,
காட்டு இலாகா, இந்திய காடுகள்.

குடிசை மாற்று வாரிய‌ம்

குடிசைக‌ள் இருந்த‌ இட‌ம்
கொழுத்த‌ ப‌ண‌த்தில்
குபேர‌ மாளிகைக‌ளாய்!
குடிசைவாசிக‌ள் அனைவ‌ரும்
தெருவாசிக‌ளாய்
வான‌க்கூரையின் கீழ்!

பார‌தி Vs பாபர் மசூதி

'ம‌த‌த்தீ'யினை அங்கிலோர்
கோவிலில் வைத்தான்
வெந்து த‌ணிந்த‌து 'நாடு'
கொடும் ம‌ட‌மையில்
குறைவென்றும்
நிறைவென்றும் உண்டோ?

நிதர்சனம்

தீயின் நாக்குக‌ள்
சுவைத்து தின்ற‌ன‌!
ஆரிய 'பிணம்'
திராவிட‌ 'பிண‌ம்'
மிச்ச‌மாய் சாம்ப‌ல்
ஒரே நிற‌த்தில்!