பாடும் பறவையொன்றின்
குரல்வளை கிழித்த அம்பு
வேடனின் குடிலுக்கு
ஒரு கோப்பைக் கறி
இரு அகப்பை குருதி
மாமிசமணத்தோடு பரிமாறிய
ருசியான உணவாகியிருக்கலாம்.
தொலைநோக்கி குறிபார்த்து
வில்வளைத்தவன் வீரம்
உயிரொன்றை அம்பெய்து
தனதாக்கிய ஆளுமை
எல்லாம் சரி,
மரிக்குமுன்னிருந்த இன்னிசையும்
கானப் பறவையதன்
இசை நவின்ற குதூகலமும்
கொடும் வேடனின் நாவறியுமா?
இல்லை
அதனுயிர் தொட்டுப் பிரித்த
வில்லம்பறியுமா?
**************
ஓடுவதில் களைத்த நதியொன்றின்
பயணம்
போதுமென்ற புள்ளியில்
ஆழ்துளையிறக்கி தன்னிருத்தலை
பதிவு செய்கிறது.
ஊறிப்போதலினுள் உவப்பெய்தா
அந்நதியோ
பயணத்தில் லயித்து
தேக்கி வைத்த
புள்ளிகளுக்கிடையில்
தொடர்ந்தபடியிருக்கிறது
வாய்க்கால் வாயிலாக...
17 comments:
// கானப் பறவையதன் இசை நவின்ற
குதூகலத்தையும் கொடும்
வேடனின் நாவறியுமா?
இல்லை அதனுயிர் தொட்டுப் பிரித்த
வில்லம்பறியுமா? //
நல்ல சிந்தனை.. சூப்பரா எழுதிருக்கீங்க..
ஆஹா ...அருமை ! அருமை ! மிக சிறந்த சொல் மற்றும் பொருள் வளம்.
excellent words and depiction .. a good deep poem really !
அட!
கலக்குறேயேடா பயலே! :-)
நல்லாயிருக்கு....
கலக்குற பயலே,
வெட்டி மடக்குறதுல இடறுதடா.......
//மரிக்குமுன்னிருந்த இன்னிசையையும்
கானப் பறவையதன் இசை நவின்ற
குதூகலத்தையும் கொடும்
வேடனின் நாவறியுமா?//
மரிக்குமுன்னிருந்த இன்னிசையையும்
கானப் பறவையதன்
இசை நவின்ற குதூகலத்தையும்
கொடும் வேடனின் நாவறியுமா?
நல்லாயிருக்கு....
நல்லா இருக்கு கயல்.
கவிதைகள் நன்று.வாழ்த்துகள்.
அதாவது ஆத்தோரமா ஆழ்துளைக் கிணறு அதாவது போர்வெல் போட்டு தண்ணி எடுத்து வயலுக்கு வாய்க்கா வழியாப் பாய்ச்சுறாங்க! கரெக்டா
முதற் கவிதை மிகவும்
உணர்வுபூர்வமானது.
சொற்பிரயோகம் அட்டகாசம்.
இசைப்பிரியாவிற்கு இரங்கற்பா..
நல்ல சிந்தனை வளம்
டொக் டொக்.. தொடர் பதிவுக்கு கூப்டுருக்கேன் மேட்டம் :)
பிரமாதம்..
அனைவருக்கும் நன்றி!
இரண்டும் அருமை.
முதல் கவிதையின் கருவில் எப்போதோ யாரோ எழுதிய கவிதை ஒன்று நினைவில் வர, தேடிக் கண்டுபிடித்தேன்.
விழுங்கிய மீன்
தொண்டையில் குத்துகையில்
உணர்கிறேன்
தூண்டிலின் ரணம்.
- ஞானசேகர்
Post a Comment