வேடதாரி

மறைநூல் மன்னுவன் ஓதிய ம‌றைபொருள்
சிறும‌தி சேவி உள‌மொரு தாளமிட்டு
நாணம் மேவுறும் அடக்கம் த‌தும்ப‌
க‌ருத்தினை அட‌க்கி முன்ன‌து பிற‌ழா
காரிருள் தட‌வி முறுக்கிட்ட‌ ம‌ட‌மையில்
விசித்து அர‌ற்றி ஒளிவாள் கருமணி
ஒய்யாரமாய் அன்னநடை பேணுங்கால்,
அதிராம‌ல் வந்த‌னன்; ஏந்திழை இள‌கிட‌
ஏற்புடை மாண்ப‌து எடுத்திய‌ம்பின‌ன்
சொல்லிடை தழுவிய சிருங்காரச் சேதி
எச்சமாய் ஈறுகளில் தடம்மாறி..
குருதிபடிந்த‌ கீழுதடு கண்ணுற
பற்றினானதை பற்றில்லா வேடதாரி!